श्री शरद कुलकर्णी
कवितेचा उत्सव
☆ आता असे वाटते… ☆ श्री शरद कुलकर्णी ☆
☆
प्रेम केले की इबादत
विश्व सारे हरवून बसलो.
बरबाद झालो खेळात या
प्रलोभनाला पूर्ण फसलो.
शायरी केली बदनाम झालो
जिंदगी उद्वस्त झाली.
भान आले जाग आली
नशाच सारी उतरुन गेली.
आता असे वाटते तरीही
पुनःपुन्हा जन्मास यावे.
प्रमाद ते पुन्हा करावे
परतून गुन्हेगार व्हावे.
☆
© श्री शरद कुलकर्णी
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
