श्रीशैल चौगुले
कवितेचा उत्सव
☆ गणिक व्यथा… ☆ श्रीशैल चौगुले ☆
☆
युगा-युगाची रे मी गणिका
कधी होईन मी कान्होपात्रा
सांग युगाच्या रे पांडुरंगा
कधी संपेल ही भोगयात्रा.
*
का ही काया केवळ भवाची
तुझ्या दयेला अपात्र मित्रा
भक्ताचा तू सखा जीवलग
कधी बदलशी नारी चित्रा.
*
का मी लालसा दासी अभागी
मी न जानकी सावित्री गोत्रा
छळ देहाचा सुख क्षण नरा
साक्षात दर्शन दे या नेत्रा.
*
रे बा कृष्णा-विष्णू तू विठ्ठला
संहार कलि भार नक्षत्रा
युगा-युगाची रे मी गणिका
कधी होईन मी कान्होपात्रा
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
