सौ. ज्योती कुळकर्णी
कवितेचा उत्सव
☆ आश्रम… ☆ सौ. ज्योती कुळकर्णी ☆
(अनलज्वाला – ८/८/८)
☆
परंपरेने चालत आले चारी आश्रम
नव्या युगाची नवी कमाई का वृद्धाश्रम?
*
नव युगातले नवे स्विकारत पुढेच जावे
तुम्ही शोधले मूल ठेवण्या मग बालाश्रम
*
दाखविती ही मुले तुम्हाला जर वृद्धाश्रम
तुमचे घर जर, तुम्ही दाखवा यौवन आश्रम
*
वीट कुठे हो तुम्हास आला संसाराचा?
नुसते बोलू नका तुम्ही घ्या संन्यासाश्रम!
*
पिढी नवी का घडवायाची तुम्हास येथे?
येथेच तुम्ही निर्माण करा मग कष्टाश्रम
☆
© सौ. ज्योती कुळकर्णी
अकोला
मोबा. नं. ९८२२१०९६२४
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
