श्री प्रमोद वामन वर्तक
कवितेचा उत्सव
🙏 मनातले आभाळ! 🙏 श्री प्रमोद वामन वर्तक ☆
☆
मनी दाटल्या आभाळाला
कधीतरी मोकळे करा,
डोह दुःखी आठवांचे
नित्य नेमाने रिते करा!
*
मनी दाटल्या आभाळाला
फिरू दे मुक्त आभाळी,
लादू नका तुमची घुसमट
तुम्ही त्याच्या कपाळी!
*
मनी दाटल्या आभाळाला
नका घालू तुम्ही वेसण,
करून त्या मोकळे ढाकळे
करा साजरा रोज सण!
*
मनी दाटल्या आभाळाला
भरू दे स्वतः आपले रंग,
कुवत त्याची जोखा तुम्ही
ते समर्थ रचण्या अभंग!
ते समर्थ रचण्या अभंग!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
