श्रीशैल चौगुले
कवितेचा उत्सव
☆ आषाढ भेट... ☆ श्रीशैल चौगुले ☆
☆
मज न आले सावरता
ते आभाळ जीने पेलले
नवल म्हणावे कि कृपा
संकट काव्याने झेलले.
*
हसू ढगांचे खुणावती
नि उगी शब्द आठवणी
आषाढाचा पाऊस चिंब
नि भिजे काव्य क्षणोक्षणी.
*
तृण फुलावे भाव हृदयी
तृप्त धरेत ओळ ओहोळ
पक्षी-मानव सुख संतुष्टी
पेर उगी रचनेला बळ.
*
असे गीत व्याकुळ विरही
मोरपिसारे नृत्य पालवी
वारा संगीत तुला साद ती
प्रीतभंग लेखणीत कवी.
☆
© श्रीशैल चौगुले
मो. ९६७३०१२०९०.
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
