मेहबूब जमादार
कवितेचा उत्सव
☆ रिमझिमल्या सरी… ☆ 
मेहबूब जमादार ☆
☆
रिमझिमल्या सरी माझ्या अंगणात
मृगाच्या आठवणी भरल्या मनात
*
गेल्या चिऊ काऊ आपल्या घरी
माती गंधाळली साऱ्या शिवारी
*
भरे आनंद शेतकऱ्याच्या घरात
उद्याले पेरणी बीज पडेल शेतात
*
हात जोडुनी बीज येई तरारुनी
शिवार फुलते गात अभंग गाणी
*
पाऊस वाऱ्याने झाड लागे बोलू
हिरवं शिवार पिक लागले डोलू
*
शिवारात चालू झाली भांगलण
आनंदे माय येई वाऱ्याला उधाण
☆
© मेहबूब जमादार
मु. कासमवाडी,पोस्ट -पेठ, ता. वाळवा, जि. सांगली
मो .9970900243
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
