म. ना. दे. (श्री मयुरेश देशपांडे)
कवितेचा उत्सव
☆ || झरा वारा || ☆ म. ना. दे. (श्री मयुरेश देशपांडे) ☆
☆
चाले जैसा झरा, सोबतीला वारा,
निसर्गाचा पारा, वर खाली
*
वर खाली वाट, धुके घनदाट
माखले लल्लाट, कर्मेधर्मे
*
कर्मेधर्मे पळ, कष्टांचाच चळ
उठू देत वळ, तळहाती
*
तळहाती जलं, अर्घ्य ते सोडलं
नातं जे जोडलं, जन्मा संगे
*
जन्मा संगे वारा, पायाला भोवरा
श्वासांचा हा झरा, जिथवरं
☆
कवी : म. ना. देशपांडे
(होरापंडीत मयुरेश देशपांडे)
+९१ ८९७५३ १२०५९
https://www.facebook.com/majhyaoli/
≈संस्थापक संपादक – श्री हेमन्त बावनकर/सम्पादक मंडळ (मराठी) – उज्ज्वला केळकर/श्री सुहास रघुनाथ पंडित / मंजुषा मुळे/ गौरी गाडेकर≈
सुंदर कविता