श्री अमोल अनंत केळकर
कवितेच्या उत्सव
☆ वृक्षवल्ली आम्हा… ☆ श्री अमोल अनंत केळकर☆
(सिंहस्थ कुंभमेळ्याच्या निमित्याने सध्या जी ‘झाडाझडती’ सुरु आहे त्यावर)
(अर्थात तुकोबांची माफी मागून 🙏)
🌳🌴
वृक्ष वल्ली नसे सोयरी
तपोवनी
वस्ती ही सोईने घालविती!
*
येणे ‘ गुरु’ सिंहे, मेळाव्याचा वास
तोडा झाडी खोड, वाटे येता!
*
आकाश मंडप पृथवी आसन!
जमे तिथे घाव, गोदा- तिरी!
*
तोडलेली मोजून, परवडी विस्तार
सरकारी प्रकार, नसे रुची!
*
तुका म्हणे होय, जनाशी संवाद
नास्तिकाचा वाद आस्तिकांशी!!
*
🌳🌴
#माझी_फुसकुंडी 📝
© श्री अमोल अनंत केळकर
बेलापूर, नवी मुंबई, मो ९८१९८३०७७९
poetrymazi.blogspot.in, kelkaramol.blogspot.com
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
