श्री प्रमोद वामन वर्तक
क्षण सृजनाचा
🤣 ई डी चा बाप ☆ श्री प्रमोद वामन वर्तक ☆
☆
(प्राजक्ता, माझी मुलगी सिंगापूरला नुकतीच Standard Chartered बँकेत Executive Director झाली, त्यावर केलेली रचना! 🙏)
☆
🕺🤣 EDचा बाप! 😅🕺
☆
EDचा बाप होण्याचं भाग्य
मिळालं प्राजक्तामुळे काल परवा
आता माझ्याशी कसं वागायचं
तुम्ही आपल्या मनाशी ठरवा
*
तसं घाबरायचं कारण नाही
सांगून ठेवतो आत्ताच तुम्हांला
कारण तुम्हावर ‘रेड टाकायचा’
अधिकार नाही बरं कां आम्हांला
*
आम्ही टाकलीच जर कधी ‘रेड’
तुमच्यावरील प्रेमाने घरावर
खात्री असू द्यावी मनातून
तुम्हांला धरणार नाही धारेवर
*
बोळवण करावी अशावेळी
आमची तुम्ही गोडधोड देऊन
अन्यथा सुखदुःखाच्या गोष्टी करू
संध्याकाळी निवांतपणे ‘बसून’
संध्याकाळी निवांतपणे ‘बसून’
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
