सुश्री नीलांबरी शिर्के
चित्रकाव्य
कटू वास्तव… सुश्री नीलांबरी शिर्के ☆
☆
एक दिवस योग करूनी
योगाला सन्मानित करतो
तनमनाला तरतरी येते
याचा नीत उच्चारही करतो
*
परकीयांनी योग घेतला
आपल्या देशी विकसीत केला
अभिमानाने बोलत बसतो
कृतीत आणाया नाही जमला
*
परकीयांचा पिझ्झा बर्गर
आम्हास जीवासम प्यारा
योग करण्याच्या सवयीला
आमच्या दिनक्रमी नाही थारा
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
