मराठी साहित्य – चित्रकाव्य ☆ असाही रिंगण सोहळा… ☆ सुश्री नीलांबरी शिर्के ☆

सुश्री नीलांबरी शिर्के

  चित्रकाव्य  

असाही ‘रिंगण सोहळा’   सुश्री नीलांबरी शिर्के ☆

☆

वारकऱ्यांच्या मार्गावरती

भक्तिमय रिंगण सोहळा

 गरीब श्रीमंत लहान मोठे

 रिंगणास या होती गोळा

*

गाड्यांचे चौकातील रिंगण

 पोटोबाचा असे सोहळा

प्रत्येकाची मंदिरे वेगळी

 प्रत्येकाचा रथ आगळा

*

ध्येय मंदिर गाठायाची

सगळ्यांना असते घाई

टाळ मृदुंगासम  रिंगणी

पें पें पों पों हाॅर्न गजर होई

*

विठ्ठल विठ्ठल ओठ बोलती

पोटोबांची  मस्तकी गणती

पोटोबासह विठू बोलतो

तालावरती भक्त नाचती

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈