मराठी साहित्य – चित्रकाव्य ☆ काय असेल सुखाचे रहस्य? ☆ श्री आशिष बिवलकर ☆

श्री आशिष  बिवलकर

  चित्रकाव्य  

काय असेल सुखाचे रहस्य?   श्री आशिष  बिवलकर ☆

☆

दोघांच्या जीवनात,

जरी अंधाराचा वनवास |

भरवतात एकमेकांना,

प्रेमाने सुखाचा गोड घास |

*

तिमिर ही लाजला,

पाहून उजळलेले हास्य |

विचारात पडला,

काय असेल सुखाचे रहस्य |

*

ना दिसला त्यास,

न्यूनतेचा त्यांच्या चेहऱ्यावर भाव |

अंधार जरी असला,

विश्वासाने चालला संसाराचा डाव |

*

काळा रंग सोडला,

दुसरा रंग नाही जीवनात |

आनंदाचे सप्तरंग,

कोठून आले या वर्तनात |

*

संघर्ष जरी असला पदोपदी

आपुलकीचा आहे त्यात विसावा |

चाचपडणाऱ्या जीवनात,

आशेचा किरण असाच दिसावा |

*

आंधळ्याच्या गायी,

म्हणे देव राखतो |

सत्कर्माची फळे,

आनंदाने चाखतो |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈