मराठी साहित्य – चित्रकाव्य ☆ या अवघड वाटेवर… ☆ श्री आशिष बिवलकर ☆

श्री आशिष  बिवलकर

  चित्रकाव्य  

या अवघड वाटेवर… श्री आशिष  बिवलकर ☆

☆ 

डोईवर पाट धरला,

अंत:करण झाले जड |

वाट विसर्जनाची,

चालणे झाले अवघड |

*

भाव दाटले मनी,

नयनी अश्रू धारा |

आसवांनी भिजून माझा 

गेला देह सारा |

*

धीर देती मंडळी,

हात ठेवुनी पाठीवर |

सोबत त्यांची हवी वाटते 

या अवघड वाटेवर |

*

पार्थिव रुपी बाप्पाचे,

जरी आज विसर्जन |

भक्तीभावाने भरलेले,

असेल नित माझे मन |

*

निरोप देतो तुम्हा आता,

जुळले माझे दोन्ही कर |

आमंत्रण आम्हा सर्वांचे,

पुढल्या वर्षी या लवकर |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈