डॉ. सोनिया कस्तुरे
चित्रकाव्य
– “तू असतांना.. तू नसतांना…” – ☆ डॉ.सोनिया कस्तुरे ☆
☆
एकटीच मी बरी वाटे तू असतांना
उगाच का विरह दाटे तू नसतांना?
*
सततची धांदल वाटे तू असतांना
उगाच का निरव साचे तू नसतांना?
*
अधीर मी पुस्तक वाचण्या तू असतांना
पानोपानी तुझी प्रतिमा तू नसतांना?
*
स्वच्छंदीचा ध्यास मज, तू असतांना
उगाच का भयाण भासे तू नसतांना?
*
चहाचा मी आग्रह धरी तू असतांना
कॉफी तुझी का प्रिय वाटे तू नसतांना?
*
अंधार निमाला, किरणे प्रकाशतांना
पाने हसली तुझी चाहूल लागतांना..
☆
© डॉ.सोनिया कस्तुरे
विश्रामबाग, जि. सांगली
भ्रमणध्वनी:- 9326818354
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
छान कविता!