श्री आशिष बिवलकर
चित्रकाव्य
त्याच त्याच रोज | मरणयातना || श्री आशिष बिवलकर ☆
☆
राज्यकर्ते करी | स्वतःचीच लाल |
जनता बेहाल | रस्त्यावर ||१||
*
त्याच त्याच रोज | मरण यातना |
प्रश्नच सुटेना | ट्राफिकचा ||२||
*
तासोंतास चाले | वाहतूक कोंडी |
जीव रडकुंडी | प्रवासात ||३||
*
ट्राफिक पोलीस | करे मनमानी |
गाड्या आडवुनी | जैसी मर्जी ||४||
*
मंत्री संत्री ताफा | पळतो सुसाट |
जनतेचे वाट | लावोनिया ||५||
*
रोड टॅक्स टोल | सर्रास वसुली |
जनता मामुली | सत्तेपुढे ||६||
*
एकमेकांचीच | खेचा तुम्ही टांग |
वाहनांची रांग | आम्हां भाळी ||७||
*
©️ वास्तवरंग
☆
(चित्र सौजन्य – श्री आशिष बिवलकर)
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
‘त्याच त्याच रोज मरणयातना’वास्तववादी छान अभंग!