मराठी साहित्य – चित्रकाव्य ☆ हिशोब पूर्वसंचितांचा… ☆ श्री आशिष बिवलकर ☆

श्री आशिष  बिवलकर

  चित्रकाव्य  

हिशोब पूर्वसंचितांचा…  श्री आशिष  बिवलकर ☆

☆

प्रत्येक श्वासासाठी संघर्ष,

नियतीने लिहिलाय भाळी |

कोवळ्या वयात डायलीसिस,

असह्य वेदना त्याला छळी |

*

भोग शरीराचे देताना,

दैव करत नाही विचार |

लहानग्यांना देखील,

सोसावे लागती उपचार |

*

काय असतो अपराध,

निरागस कोवळ्या जीवाचा |

खेळ मांडते ते प्रारब्ध,

हिशोब पूर्वसंचितांचा |

*

पालक होतात हतबल,

त्याच्यासाठी करून धडपड |

पोटच्या गोळ्यासाठी देतात,

नशिबाची परीक्षा अवघड |

*

आयुष्याच्या सारीपाटावर,

नियती फेकत असते फासे |

सोंगटी सारखे खेळवतं,

खेळ खेळते तिला हवे तसे |

*

हातीपायी धडधाकट असणाऱ्यांनी,

संघर्ष अशा बालकांचा तो बघावा |

जमेल तसा माणुसकीचा आधार,

अशा कुटुंबांना आपुलकीने द्यावा |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈