रेणुका धनंजय मार्डीकर
चित्रकाव्य
अर्कपत्र पहुडावी… रेणुका धनंजय मार्डीकर ☆
(अष्टाक्षरी)
☆
सूर्याचे तेज नभी
सूर्यकिरण चमचमती
अर्कपत्र पहुडावी
बहु सुंदर होय क्षिती
*
तेज मला मोहविते
जाईन मी त्या तिकडे
मातीवर फुललेले
कनकाचे जणू रुपडे
*
सूर्यवर्त, दिवाकर
अर्कादल म्हणती फुला
सूर्यकमल, सूर्यकांती
काय म्हणू सांग तुला
*
दिशा देई रवीकर तुज
वळशी तू त्या संगे
सूर्योदय सूर्यास्ता
प्रवास हा किती रंगे
*
पाहताच तुझ्याकडे
चैतन्ये सळसळती
चित्रपतंगास मोह
भिरभिरती बागडती
*
पिवळी पिवळी कुरणे
शब्द होती दिवाणे
सूर्यफुला ऐक जरा
कवनाचे नजराणे
☆
© रेणुका धनंजय मार्डीकर
औसा.
मोबा. नं. ८८५५९१७९१८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
