डॉ. स्वाती पाटील
चित्रकाव्य
– सृजनानंद – ☆ डॉ. स्वाती पाटील ☆
☆
ओढ म्हणू की आनंदाची शिरशिरी
अंगातून वाहते तरंगाची थरथरी
हसले उन्हात चांदणे या वनांमध्ये
लेऊन रंगांची रंगबिरंगी मखमल सुंदरी
*
थुई थुई नाचतो झुकतो थोडा पुढे
कळेना राणी मज शोधू तुला मी कुठे
ओढ दाटली मिलनाची तुझ्या ग सखे
बरसतो मनी मल्हार का कोडे अता सुटे
*
हा संभार नाही केवळ मिलनाचा गडे
निळे निळे लक्ष डोळे तुझ्या वाटेकडे
येशील कधी पाहतो वाट आसमंत हा
मागेन आता हे सृजन सडे मी नभाकडे
☆
© डॉ.स्वाती पाटील
सांगली
मो. 9503628150
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
