श्री प्रमोद वामन वर्तक
चित्रकाव्य
रिती आस श्री प्रमोद वामन वर्तक ☆
☆
काळे करुनी अंबर
आस जिवा लावीशी
तुज टोलवता समीराने
तोंड तुझे काळे करशी
*
तळ गाठला धरणांनी
भेगाळली सारी अवनी
वाट पाहुनी कासकराच्या
आले बघ नयनी पाणी
*
आहे वाहन यंदा गर्दभ
झाड दुगाण्या लवकर
शांत करुनी धारित्रीला
भरून काढ सारी कसर
*
नटव लवकर हिरवाईने
उघड्या बोडक्या सृष्टीला
तृप्त होता सारे चराचर
देईल आशीर्वाद तुजला
देईल आशीर्वाद तुजला
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
