मराठी साहित्य – मनमंजुषेतून ☆ तृषार्त… ☆ सुश्री सुरेखा चिखलकर ☆

सुश्री सुरेखा चिखलकर

 मनमंजुषेतून 

☆ तृषार्त… ☆ सुश्री सुरेखा चिखलकर ☆

आयुष्याच्या काठावर उभे राहून,

रित्या लाटांकडे पाहत…

एक विरागी भावना घेऊन,

एकांत आणि शुष्क होऊन जगत,

मी अंतरातल्या वादळांना कवटाळत 

जोडत राहिले स्वतःची नाळ

या निशब्द झालेल्या जगाशी आणि मनाशीही,

अंतर्मनातील नात्यांना रिते करत,

एकटेपणाचा दुष्काळ उरात घेऊन,

उंबरठ्यावर अडकलेल्या आशेला विसावून…

निशब्दाच्या कुशीत समांतर,

प्रवास करावा म्हणते आता

अनंताचा… अनंताकडे,

आठवणींच्या खुणा अंगभर कोरून,

रुजून जावे मातीच्या त्या कणाकणात,

आणि प्रत्येकाच्या मनामनात…

कायमचे, अनंतकाळ…

☆

 © सुरेखा चिखलकर