डॉ. धनंजय देशपांडे
मनमंजुषेतून
☆ “सोपं नसत हो sssss – -” कवयित्री : डोमिनर (पोलंड) मराठी अनुवाद : भरत यादव ☆ संकलक / प्रस्तुती : डॉ. धनंजय देशपांडे☆
… प्रतिभावंत स्त्रीवर प्रेम करणं सोपं नसत हो sssss
सोपं नसतं हो
प्रतिभावंत स्त्रीवर प्रेम करणं !
कारण तिला पसंत नसते
“जी हुजुरी”
झुकत नसते ती कधी जोवर नात्यांमध्ये प्रेमाची भावना असत नाही
तुमच्या प्रत्येक हां ला हां आणि ना ला ना म्हणणे तिला मान्य नसतं
कारण ती शिकलेलीच नसते
नकली धाग्यात नाती गुंफणे!!
तिला ठाऊक नसते सोंगाढोंगाच्या
पाकात बुडवून
आपले म्हणणे मान्य
करवून घेणे!!
तिला तर ठाऊक असते बेधडक
खरे बोलत जाणे!!
फालतू चर्चेत पडणे,
तिच्या स्वभावात बसत नाही
मात्र तिला ठाऊक असते
तर्कशुध्दपणे आपला विचार कसा मांडायचा ते
ती वेळोवेळी दागदागिने, कपडेलत्ते
यांची मागणी नाही करत
ती तर सावरत असते स्वतःला आपल्या आत्मविश्वासाने
सजवत असते आपले व्यक्तिमत्व ती
निरागस स्मितहास्याने
तुमच्या चुकांविषयी ती तुम्हांला
अवश्य बोलणार!!
पण अडचणीच्या काळात तुम्हाला सांभाळून पण घेणार
तिला तिची गृहकर्तव्ये नक्की माहित आहेत
तसेच आपल्या स्वप्नांना पूर्ण करणेदेखील माहित असत!!
कुठल्याही निरर्थक गोष्टींना मानणे तिला जमत नाही
पौरुषापुढे ती नतमस्तक नाही होत,
झुकते जरुर
पण ते तुमच्या निःस्वार्थ प्रेमापुढे
आणि या प्रेमासाठी आपलं सर्वस्व
उधळून देऊ शकते!!
धैर्य असेल निभावण्याचे तर आणि तेव्हाच
अशा स्त्रीवर प्रेम करावे!!
कारण कोसळत असते आतून ती दगाफटका नि कपटाने,
आणि पुरुषी अहंकाराने,
जी पुन्हा जोडली जाऊ शकत नाही
कुठल्याही प्रेमाखातर…!
—
कवयित्री डोमिनैर (पोलंड)
मराठी अनुवाद : भरत यादव
संकलन : डॉ. धनंजय देशपांडे (dd)
(सायबर सिक्युरिटी तज्ञ, चित्रकार, लेखक, समुपदेशक, निवेदक)
मो न. ९४२२३०४३४४
1) Global Cyber Crime Helpline National Award winner
2) Digital Hero of the year National Award winner
3) HOD: Cyber Awareness Foundation, Maharashtra State
4) Mentor: Pune University (SPPU), CANADA and UK
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
