सूचना/Information
(साहित्यिक एवं सांस्कृतिक समाचार)
डॉ मीना श्रीवास्तव
🌺 अ भि नं द न 🌺
आपल्या समूहातील ज्येष्ठ लेखिका आणि अनुवादिका डॉ. मीना श्रीवास्तव यांच्या ‘एक चिरंतन चित्रपट : मुग़ल ए आझम’ या ग्रंथाला नुकताच ‘तितिक्षा आंतरराष्ट्रीय ग्रंथ पुरस्कार २०२६‘ अंतर्गत सर्वोत्कृष्ट लेखसंग्रह हा मानाचा पुरस्कार प्रदान करण्यात आला.
‘एक चिरंतन चित्रपट : मुग़ल ए आझम’ हे डॉ. मीना श्रीवास्तव यांचे पहिले मराठी पुस्तक आहे.
भारतीय चित्रपटसृष्टीतील सुवर्णपान मानल्या जाणाऱ्या ‘मुग़ल ए आज़म’ या कालजयी चित्रपटाच्या निर्मितीमागील तब्बल बारा वर्षांहून अधिक काळाचा संघर्ष, कलात्मकता, समर्पण आणि ऐतिहासिक प्रवास यांचा वेध या पुस्तकात घेण्यात आला आहे. या विषयावर मराठी भाषेत प्रकाशित झालेल्या मोजक्या आणि अभ्यासपूर्ण ग्रंथांपैकी हा एक महत्त्वाचा ग्रंथ मानला जातो. या बहुप्रतिष्ठित पुरस्कारामुळे मराठीतील चित्रपटविषयक अभ्यासपूर्ण लेखनाला न्याय मिळाल्याची भावना व्यक्त केली जात आहे.
या पुरस्काराबद्दल आपल्या सर्वांतर्फे डॉ. मीनाताईंचे मनःपूर्वक खूप खूप अभिनंदन आणि त्यांच्या पुढील अशाच यशस्वी साहित्यिक वाटचालीसाठी असंख्य हार्दिक शुभेच्छा.💐🙏
त्यांची पुरस्कार प्राप्त पुस्तक ‘एक चिरंतन चित्रपट : मुग़ल ए आझम’ पुस्तक परिचय आज प्रकाशित करत आहोत.
संपादक मंडळ
ई-अभिव्यक्ती मराठी
≈संस्थापक संपादक – श्री हेमन्त बावनकर/सम्पादक मंडळ (मराठी) – उज्ज्वला केळकर/श्री सुहास रघुनाथ पंडित /मंजुषा मुळे/ गौरी गाडेकर≈
