सौ. गौरी गाडेकर
ई -अभिव्यक्ती -संवाद ☆ ६ एप्रिल -संपादकीय – सौ. गौरी गाडेकर -ई – अभिव्यक्ती (मराठी)
गोपाळ गोविंद मुजुमदार
गोपाळ गोविंद मुजुमदार – पाटणकर (साधुदास) (1883 – 6एप्रिल 1948) हे कवी व कादंबरीकार होते.
त्यांचा जन्म व शालेय शिक्षण सांगलीत झाले. फर्ग्युसन कॉलेजमध्ये शिकत असताना शिक्षण अर्धवट सोडून ते सांगलीला परतले व नोकरी करू लागले.
‘साधुदास’ या नावाने त्यांनी काव्यरचना व अन्य लिखाण केले.
रामकथा चार भागात सांगण्याच्या उद्देशाने त्यांनी ‘विहारे’ नावाची काव्यरचना केली. पण ते फक्त तीनच विहार पूर्ण करू शकले.
त्यांच्या ‘पौर्णिमा’ या कादंबरीत शनिवारवाड्याचे यथातथ्य वर्णन आले आहे.
साधुदास यांनी लिहिलेली पुस्तके :
काव्ये : गृहविहार, रणविहार, वनविहार
स्तोत्रे : कृष्णालहरी, भीमशती, रामशती, सद्गुरूशती, सीताशती
स्फुटकाव्ये : निर्माल्यसंग्रह भाग 1,2. महायुद्धाचा पोवाडा
कादंबऱ्या : 1. पौर्णिमा -पूर्वरात्र
- पौर्णिमा -उत्तररात्र
- मराठेशाहीचा वद्यपक्ष -प्रतिपदा -पूर्वरात्र व उत्तररात्र
4.मराठेशाहीचा वद्यपक्ष – द्वितीया- पूर्वरात्र व उत्तररात्र
अन्य पुस्तके : 1. मराठीची सावट भाग 1 व 2
- बुद्धिबळाचा मार्गदर्शक
पाठ्यपुस्तकातील मुलांच्या आवडत्या कविता :
- पडू आजारी मौज हीच वाटे भारी
- नाकेला अन गुलजार
साधुदासांच्या स्मृतिदिनी त्यांना सादर अभिवादन. 
☆☆☆☆☆
सौ. गौरी गाडेकर
ई–अभिव्यक्ती संपादक मंडळ
मराठी विभाग
संदर्भ: साहित्य साधना, कऱ्हाड शताब्दी दैनंदिनी, विकीपीडिया.
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
