रमा मोडक
इंद्रधनुष्य
☆ साखरचौथीचा गणपती… – लेखक : एक अज्ञात ☆ रमा मोडक ☆
एक आगळीवेगळी लोकपरंपरा!
गणेशोत्सव संपल्यानंतरही काही ठिकाणी पुन्हा एकदा बाप्पाचे आगमन होते, हे तुम्हाला माहीत आहे का?
… पेण, पनवेल आणि उरण परिसरात अनंत चतुर्दशीनंतर येणाऱ्या पहिल्या संकष्टी चतुर्थीला ‘साखर चौथीचा गणपती’ बसवण्याची अनोखी परंपरा आहे. या दिवशी बाप्पाची दीड दिवस मनोभावे पूजा केली जाते.
या परंपरेमागे एक सुंदर कारण आहे. भाद्रपद महिन्यात गणेशमूर्ती बनविण्याच्या कामात मूर्तिकार व्यस्त असल्यामुळे त्यांना आपल्या घरी गणपतीची प्रतिष्ठापना करता येत नाही. त्यामुळे गणेशोत्सव संपल्यानंतर साखर चौथीला बाप्पाला घरी आणून गणेशभक्तीचा आनंद घेतला जातो.
या दिवशी चंद्राला उ:शाप म्हणून प्रथम चंद्राची आरती आणि त्यानंतर बाप्पाची आरती करण्याची प्रथा आहे.
बाप्पाला उकडीच्या मोदकांचा नैवेद्य दाखवला जातो. तसेच घराच्या चारही बाजूंना साखरेचे चार दिवे लावले जातात. हे दिवे उंदीरमामासाठी नैवेद्य म्हणून ठेवण्याचीही प्रथा आहे.
महाराष्ट्राच्या समृद्ध लोकपरंपरा, श्रद्धा आणि संस्कृतीचे दर्शन घडवणारी ही खरोखरच सुंदर आणि आगळीवेगळी परंपरा!
तुम्हाला ‘साखर चौथीचा गणपती’ याबद्दल आधी माहिती होती का?
लेखक / माहिती संग्राहक : अज्ञात
प्रस्तुती : रमा मोडक
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
