मराठी साहित्य – कवितेचा उत्सव ☆ तोल… ☆ डॉ.सोनिया कस्तुरे ☆

डॉ. सोनिया कस्तुरे

 कवितेचा उत्सव 

🍃 तोल 🍃 डॉ.सोनिया कस्तुरे ☆

☆

हुंदका मनाचा मांडता यावा

खोल उसासा जाणता यावा

*

कुठूनतरी येतात सुखध्वनी

अचूक तो ओळखता यावा

*

कुणी आपुले नसतेच येथे

दोन घडीचा तोल सावरता यावा

*

किती राहिले क्षण आता येथले

अबोल निसर्ग न्याहाळता यावा

*

कोण कुठले येतात अनेक सारे

प्रेम, जिव्हाळा पाझरता यावा

*

अनेक कोरडे असतील उन्हाळे

एक थेंब पावसाचा झेलता यावा

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈