श्री तुकाराम दादा पाटील
कवितेचा उत्सव
☆ खेळ… ☆ प्रा तुकाराम दादा पाटील ☆
☆
खेळ चाले माध्यमांचा
वास्तवाला झाकण्याचा
*
बोलतो रेटून खोटे
प्रश्न नाही लाजण्याचा
*
गौरवाचे गीत गाता
तोल ढळतो लेखण्यांचा
*
वारसा जपतोय आम्ही
जीवघेण्या श्वापदांचा
*
ऐतखाऊ माणसाला
छंद नाही राबण्याचा
*
आत्मप्रौढी ऐकताना
वीट आला भाषणांचा
*
हे कसे स्वातंत्र्य आहे
जाच होतो बंधनांचा
*
धर्म वेडे लोक झाले
विषय आहे चिंतनाचा
*
घ्या जरा अंदाज काही
यावयाच्या भाकितांचा
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुंदर!