श्री शरद कुलकर्णी
कवितेचा उत्सव
☆ संध्याचित्र… ☆ श्री शरद कुलकर्णी ☆
☆
क्षितिजावर ओठ टेकून
सूर्य बुडाला देत अलिंगन.
कळप गाईंचे परत फिरती
व्याकूळ कंठी नाद किणकिण.
तुळशी पुढती दीप जळावा
शुभंकरोती अर्थ कळावा.
सूरमयी कुणी राग म्हणावा.
यमन शोकी समजून यावा.
ना दिवस ना रात्रही
वेळ कातर भीतर झाली.
दिन अस्तास आज गेला
होय, संध्याकाळ झाली.
☆
© श्री शरद कुलकर्णी
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
