श्रीशैल चौगुले
कवितेचा उत्सव
☆ शब्दसुचित… ☆ श्रीशैल चौगुले ☆
☆
सुचिता न सुचती शब्द
घडता न घडे कविता
क्षणभर मनाचे मौन
आठवण तुझी का यावी
नयन भरुनी यावेत
नि अश्रुंच्या शाईनेच
हृदयाच्या पानावर
भावनांच्या लेखणीने
जीवनाचे काव्यसंग्रहच
होऊन जावे!
प्रतिभेत
सजवताना मात्र तुला,
विरहाचे दुःखच
वरदान ठरावे काव्य
रोजच्या क्रमाचे आयुष्य
म्हणजे निघून गेलेल्या
सुंदर क्षणांची ओढचं
माझ्या ध्येयाचे अंतरंग
फुलवीत जाणारी कविता
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
