मराठी साहित्य – कवितेचा उत्सव ☆ वाढदिवस तुमचा आमचा… ☆ स्वाती विकास गाडेकर ☆

स्वाती विकास गाडेकर

 कवितेचा उत्सव 

☆ वाढदिवस तुमचा आमचा... ☆ स्वाती विकास गाडेकर ☆

☆

वाढदिवस, वर्षातून एकदा येणारा सण..

साजरा करावा तुम्ही, मी आणि आपण!!

 *

दुःखाला, द्यावा थोडा विराम..

बालपणाच्या आठवणी, आठवून करावा आराम!!

 *

येतो आपण एकटे, जातोही एकटे..

परंतु जीवन जगू नये, जसे धरतीवरील गारगोटे!!

 *

ऋण फेडावे, जन्मदात्या मातापित्याचे..

त्याबरोबरच, आपुल्या निसर्ग देवतेचे!!

 *

आयुष्य असते, आपुले थोडे..

समाजास भरभरून, असेल त्यातील द्यावे!!

 *

धमाल मस्ती, करावी दणादण..

जमवावे मित्र, परिवार आणिक आप्तगण!!

 *

साजरा करावा, आनंद बाके..

जीवन आपुले, असे थोडके!!

 *

आनंदाचा क्षण टिपावा..

जीवनाचा पळ अन् पळ लुटावा!!!!

 ☆

© स्वाती विकास गाडेकर