श्रीशैल चौगुले
कवितेचा उत्सव
☆ मौनरंगी काव्य... ☆ श्रीशैल चौगुले ☆
☆
तुझ्या मौनरंगी गाली
कुसुमांक शब्दलाली
ओळखूनी मन आहे
वाहे कवणपखाली.
*
चालता जीवनवाट
अनोळखी भेट झाली
वाटले लिहावे आता
स्मरणांची ओळ ओली.
*
नजर चोरटी जाणे
हृदयातली रंगोली
प्रभात संध्या नित्यची
स्वप्न प्रतिभे हवाली.
*
असे वेड तुझे कसे
लागले कवित झुली
शब्द झोके अक्षरांना
ज्ञानफुलांच्याच वेली.
*
ऋतू मात्र भारावून
रचित श्रावण डोली
शिशीर वसंत गाती
काव्यप्रेम स्पंद बोली.
☆
© श्रीशैल चौगुले
मो. ९६७३०१२०९०.
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
