श्री सुहास रघुनाथ पंडित
कवितेचा उत्सव
☆ हे श्रावणा... ☆ श्री सुहास रघुनाथ पंडित ☆
☆
हे श्रावणा, मनभावना, शब्द माझे ऐक ना
मोहविते रुप तुझे, तूच का रे कृष्ण कान्हा
*
डुलशी पाचूतुनी तू, स्त्रवशी धारेतुनी तू
पानातुनी, रानातुनी, दिसशी मला तूच तू
*
किरण होशी कोवळे पांघरिशी मेघमाला
बासरीचा सूर येतो वाहताना रानवारा
*
या फुलांचा गंध आणि लाभले रुप तुजला
पक्षीगण हे धावले गीत तुझे गावयाला
*
जातसे रंगुनी मी हे रंग सारे पाहताना
घालीशी अन् मोहिनी तू लोभविसी या मना
हे श्रावणा… मन भावना
☆
© श्री सुहास रघुनाथ पंडित
सांगली (महाराष्ट्र)
मो – 9421225491
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
