वनिता संभाजी जांगळे
कवितेचा उत्सव
☆ फूल… ☆ वनिता संभाजी जांगळे ☆
☆
प्रत्येक फूला -फूलास असतो
फूलण्याचा आनंद
वारा दूरवर वाहून नेतो
दरवळणारा सुगंध
एक दिवसाच्या आयुष्याची
कधी फूलास नसते चिंता
सुकलेल्या पाकळ्यांची फूल
कधी मांडत नाही व्यथा
फूलून सदाची हसावे
काट्या -कुट्यांत सजून रहावे
कधी हारामध्ये गुंफून घ्यावे
कधी पायरीचे प्राजक्त व्हावे
हाच फूलास फूलण्याचा छंद
क्षणभर फुलण्याचा सुध्दा
फूल जपत असते आनंद
☆
© वनिता संभाजी जांगळे (घागरे)
जांभुळवाडी-पेठ, ता. – वाळवा, जिल्हा – सांगली
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
