मराठी साहित्य – कवितेचा उत्सव ☆ सरता श्रावण… ☆ उज्वला सुहास सहस्रबुद्धे ☆

उज्वला सुहास सहस्रबुद्धे

 कवितेचा उत्सव 

☆ सरता श्रावण… ☆ उज्वला सुहास सहस्रबुद्धे ☆

☆

आला सरता श्रावण

मना लागे हुरहुर

वर्षेची ती रिमझिम

अंगणात भुरभुर..

*

जाई पावसाची सर

 भिजवीत अंगणाला

दिसे नभाच्या प्रांगणी

 इंद्रधनुष्याची माला..

*

हिरवीगार ही सृष्टी

 लोभवते क्षणोक्षणी

 किमयाही निसर्गाची

 भूल घाली मनोमनी..

*

सृष्टी गीत गाता गाता

 जाई श्रावण पाऊल..

 स्वागताला आतुरलो

 लागता गणेश चाहूल…

☆

© उज्वला सुहास सहस्रबुद्धे

≈ संस्थापक संपादक – श्री हेमन्त बावनकर/सम्पादक मंडळ (मराठी) – उज्ज्वला केळकर/ सुहास रघुनाथ पंडित / मंजुषा मुळे/ गौरी गाडेकर≈