सुश्री नीलांबरी शिर्के
चित्रकाव्य
पुष्पदलाची ही वाटी…. सुश्री नीलांबरी शिर्के ☆
☆
पुष्पदलाची ही वाटी
निर्मिलीय भ्रमरासाठी
वाटीमधला मकरंद ठेवा
परागाच्या नाजुक ओठी
*
प्रेमगीत गात भ्रमर येई
मकरंदाला शोषून घेई
परागीभवना साथ देता
समतोल सृष्टीचा होई
*
जागोजागी उमलून येतील
नाजुकसे हे द्रोण फुलांचे
सुशोभित अंगण होईल
फूल आणि फूल-मुलांचे
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
