सुश्री नीलांबरी शिर्के
चित्रकाव्य
यांची वेगळीच भाषा.. सुश्री नीलांबरी शिर्के ☆
☆
या पिवळ्या रंगाची
बाई वेगळीच भाषा
सोनियाच्या रंगीरंगे
रोज उगवती दिशा!!
*
चाफा पिवळ्या रंगात
मंद गंधाळ बोलतो
रंग घेऊनी पिवळा
शेवंतीत विसावतो!!
*
पित गुलाबाची तऱ्हा
आता कशी वर्णू बाई
करी मोकळी पाकळी
गंघ वारीयाला देई!!
*
मंद गंध या फुलांचा
चित्तवृत्तीला तजेला
या पिवळ्याचे कौतुक
पुरे करते आजला!!
☆
© सुश्री नीलांबरी शिर्के
मो 8149144177
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
