मराठी साहित्य – चित्रकाव्य ☆ कालाय तस्मै नमः ☆ श्री आशिष बिवलकर ☆

श्री आशिष  बिवलकर

  चित्रकाव्य  

कालाय तस्मै नमः  श्री आशिष  बिवलकर ☆

☆

आधुनिक झाली सावित्री,

परंपरेची तिला जाण आहे |

सती सावित्री वटपौर्णिमा,

पतिव्रतेचं भाळी वाण आहे |

*

मॉडर्न झाली म्हणून काय,

तिचा पण उपवास आहे |

तिचा जोडीदारपण तिला,

जन्मोजन्मी खास आहे |

*

यंदा टी शर्ट शॉर्ट जीन्स घातली तिने,

त्यांचं बघून ती ही नेसेल साडीचोळी |

संस्कारांकडे वळतेय नवीन पिढी,

साजरी करा हो दसरा दिवाळी होळी |

*

कालाय तस्मै नमः म्हणत,

आधुनिकता स्वीकारायला हवी |

जास्त त्यात वाहत न जाता,

आपली परंपरा जपाया हवी |

*

भरलेलं कपाळ हातात चुडा,

स्त्रीच्या सौभाग्याचं लेणं आहे |

उमजेल तिलाही भविष्यात,

पेहरावाशी सुद्धा देणंघेणं आहे |

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈