डाॅ. निशिकांत श्रोत्री
इंद्रधनुष्य
☆ गीत ऋग्वेद – मण्डल १ – सूक्त २२ – ऋचा ५ ते ८ ☆ डाॅ. निशिकांत श्रोत्री☆
ऋग्वेद – मण्डल १ – सूक्त २२ ऋचा ५ – ८
ऋषी – मेधातिथि कण्व : देवता सवितृ
आज मी आपल्यासाठी मेधातिथि कण्व या ऋषींनी सवितृ देवतेला उद्देशून रचलेल्या ऋग्वेदाच्या पहिल्या मंडळातील बाविसाव्या सूक्तातील पाच ते आठ या ऋचा आणि त्यांचे मराठी गीत रुपांतर सादर करीत आहे.
मराठी भावानुवाद
हिर॑ण्यपाणिमू॒तये॑ सवि॒तार॒मुप॑ ह्वये । सः चेत्ता॑ दे॒वता॑ प॒दम् ॥ ५ ॥
हिरण्यरश्मी कांतिमान कर भास्कर देवाचे
संरक्षण करण्यास्तव त्यांना आवाहन अमुचे
ज्ञाता तो तर परम पदाचा श्रेष्ठ दिव्य थोर
स्विकारुनिया निमंत्रणाला साक्ष होइ सत्वर ||५||
अ॒पां नपा॑त॒मव॑से सवि॒तार॒मुप॑ स्तुहि । तस्य॑ व्र॒तान्यु॑श्मसि ॥ ६ ॥
साक्ष जाहले उदकामधुनी सवितृ बलवान
स्तुती करावी त्यांची करण्या अपुले संरक्षण
प्राप्त कराया सहस्रकरांचे पावन वरदान
त्यांच्या आज्ञा आम्हास असती सर्वस्वी मान्य ||६||
वि॒भ॒क्तारं॑ हवामहे॒ वसो॑श्चि॒त्रस्य॒ राध॑सः । स॒वि॒तारं॑ नृ॒चक्ष॑सम् ॥ ७ ॥
समस्त मनुजांवरती असते कृपादृष्टी यांची
आल्हादादायी नवलाची संपत्ती यांची
अपुल्या सर्वस्वाचे दान देई भक्तांना
यावे सविता देवा मान देउनी आवाहना ||७||
सखा॑य॒ आ नि षी॑दत सवि॒ता स्तोम्यो॒ नु नः॑ । दाता॒ राधां॑सि शुम्भति ॥ ८ ॥
अति थोर दाता हा सविता सर्व पूज्य देवता
ऐश्वर्याला अमुच्या आणित शोभा संपन्नता
या स्नेह्यांनो या सखयांनो समर्पीत व्हायला
भक्तीभावे सूर्यदेवतेच्या स्तोत्रा गायला ||८||
(या व्हिडीओची लिंक येथे देत आहे. हा व्हिडीओ ऐकावा, लाईक करावा आणि सर्वदूर प्रसारित करावा. कृपया माझ्या या चॅनलला सबस्क्राईब करावे.)
Attachments area
Preview YouTube video Rugved Mandal 1 Sukta 22 Rucha 5 to 8
Rugved Mandal 1 Sukta 22 Rucha 5 to 8
© डॉ. निशिकान्त श्रोत्री
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
