श्री अशोक श्रीपाद भांबुरे
अशोक भांबुरे जी यांची कविता अभिव्यक्ती # 265
☆ फुलाला हेरले होते… ☆ श्री अशोक श्रीपाद भांबुरे ☆
☆
कवीला हसताना मी एकदा पाहिले तेव्हा
सुरेली चाल लावुनी गीत मी गायिले तेव्हा
*
तयाला गुढ शब्दांची थोरली जाण होती हो
सुरांच्या मुक्त साथीने मारली तान होती हो
सुमनांसारख्या ओळी शब्द मी ताणिले तेव्हा
*
गुलाबालाही काट्यांनी पहा ना घेरले होते
सोडुनी गुण काट्यांचे फुलाला हेरले होते
मित्रता पाहुनी त्यांची सुखाला जाणिले तेव्हा
*
हवा ही काय प्यालेली नशा ही काय केलेली
हवेलाही कळेना ती कशाने धुंद झालेली
फुलाच्या गंधकोशाचे अंश मी दाविले तेव्हा
☆
© श्री अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
