कविराज विजय यशवंत सातपुते
कवितेचा उत्सव # २९१ – विजय साहित्य
☆ गुरू माऊली …! ☆
☆
=१=
पुस्तक माझी गुरू माऊली
ज्ञान शलाका,देई साऊली.
मुळाक्षरांनी, भरली पाटी
शब्द शारदा, प्रसाद वाटी.
=२=
गुरु माऊली, ग्रंथ कोंदणी
ज्ञान संपदा, शब्द गोंदणी.
भावमनीचे, आहे स्पंदन
मनामनांचे, दैवी मंथन.
=३=
ग्रंथगुरू हे, होय सारथी ,
घडवी ज्ञानी, नवीन पिढी
पुस्तक पेढी, उंची ठरवी
ध्येय पथाची, सुखद शिडी.
=४=
ज्ञानलालसा, नि ज्ञानार्जन
अक्षरधन हे, मनी जपू
पुस्तक पेढी, सगुण शारदा,
तिन्ही त्रिकाळी तिजसी नमू
=५=
अक्षरलेणी, अक्षरगाथा,
सरस्वतीच्या, चरणी माथा
पुस्तक पेढी, हवी संग्रही
ज्ञानदायीनी, अक्षर गाथा…!
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈ संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
