श्री प्रमोद वामन वर्तक
☆ क्षण सृजनाचा ☆ अंतिम सत्य ☆ श्री प्रमोद वामन वर्तक 
वाळल्यावर गळून पडलेल्या एका पानाने, आपल्या मातेसमान झाडाबद्दल तक्रार करण्यास सुरवात केली. तेंव्हा त्या मातेने त्याला कशा प्रकारचे उत्तर दिले असते, ते या कवितेत मांडण्याचा प्रयत्न केला आहे. 🙏
👍अंतिम सत्य! 🙏
*
दोष देऊ नको मजला
त्यागिले न मी तुजला,
जे लिहिले होते प्राक्तनी
भोग त्याचा न चुकला!
*
पालन पोषण केले तुमचे
वाढविले प्रेमाने तनुवर,
माझ्याच अवयवास मी
सांग कसे करीन दूर?
*
फुटे अंगावर पालवी
निसर्ग नियमाला धरून,
जीर्ण शीर्ण सुकली पाने
जाती वाऱ्यासवे उडून!
*
होण्या ताटातूट आपली
नसे माझाच कधी हात,
आणू नकोस मनात किंतु
केला नाही विश्वासघात!
*
जो जन्मला या जगात
सवे मरण घेऊन आला,
कटू सत्य हे पचवी जो,
तोच खरे जीवन जगला!
तोच खरे जीवन जगला!
☆
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
