श्री प्रमोद वामन वर्तक
चित्रकाव्य
☆ नमोस्तु दुर्गे ☆ श्री प्रमोद वामन वर्तक ☆
☆
नारी शक्ती असते भारी
देई प्रत्यय प्रसंगोत्पात,
तूच मायेचा असशी झरा
किमया दाविसी विश्वात!*
होम करुनी अष्टमीला
तुझे स्तवन करती भक्त,
रात जागवुनी सारेजण
खेळती दांडिया मनसोक्त!
*
कधी होऊनि रणचंडीका
करशी पाडाव दैत्याचा,
येता कोणी शरण तुजला
उद्धार करशी त्याचा!
*
नऊ दिसाचे नऊ रंग
शोभून दिसती तनुवरी,
तूच एक जगन्माता
साऱ्या विश्वाची संसारी!
*
अष्टभुजांनी सांभाळशी
सकल विश्वाचा पसारा,
नमन करुनी आदिमायेस
करू साजरा दशमीला दसरा!
…करू साजरा दशमीला दसरा!
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
