मराठी साहित्य – चित्रकाव्य ☆ || मतीचे दिवाळे… || ☆ श्री आशिष बिवलकर ☆

श्री आशिष  बिवलकर

  चित्रकाव्य  

|| मतीचे दिवाळे… ||  श्री आशिष  बिवलकर ☆

☆

कावीळीची बाधा | झालीय जयासी |

पिवळे तयासी | दिसे सर्व ||१||

*

दृष्टीदोष ऐसा | सारेचं पिवळे |

मतीचे दिवाळे | जगा लेखी ||२||

*

जगरहाटीचा | भुले व्यवहार |

ऐसा अहंकार | व्यर्थ सारा ||३||

*

अहंकार नासे | पूर्व पुण्यकर्म |

निंदा होई धर्म | आचरणी ||४||

*

शिव्या शाप रुपी | मुखातून वाणी |

विचारेना कोणी | स्थिती ऐसी ||५||

*

अविवेक बोल | येई ऐसे मुखी |

आप्त सखे दुःखी | तया परी ||६||

*

शहाण्यास असे | शब्दातून मार |

त्यागावा विचार | आत्मघाती ||७||

©️ वास्तवरंग

☆

(चित्र सौजन्य – श्री आशिष बिवलकर) 

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈