सुश्री संध्या बेडेकर
मनमंजुषेतून
☆ Birthday Gift… ☆ सुश्री संध्या बेडेकर ☆
काल मैत्रिणीकडे आमची भिशी पार्टी होती. कालच तिच्या नातवाचा ११ वा वाढदिवस झाला. त्यामुळे आम्हाला पण केक मिळाला. तशी वाढदिवसाची पिझ्झा पार्टी हॉटेल मध्ये होती.
आमची मैत्रीण रमा देशमुख चे घर म्हणजे मोठ्ठा बंगलाच आहे. पैशाची चमकधमक दिसतेच.
सहजच विचारलं
अग! मग रेहान ला काय गिफ्ट मिळाल?
रमा म्हणाली, ••• अग! मागच्या महिन्यात रेहानचा फोन हरवला, तेंव्हा पासून सारखा फोन घेऊन द्या म्हणत होता.
काल त्याला तेच गिफ्ट मिळाल. चांगला वीस हजारांचा फोन घेऊन दिलाय. आता किती दिवस टिकतो? माहीत नाही.
फोनची किंमत ऐकून तर माझ्या मनात वेगळाच हिशोब सुरू होता. आमच्या घरात माझा आणि यांचा फोन, मिळून तरी एवढी किंमत असेल का?
श्रीमंत लोकांची गोष्टच वेगळी. आणि आता तर सर्वच बदललंय. आमच्या वेळेस औक्षवाण, जमल्यास एखादा नवीन ड्रेस. म्हणजे दिवाळी किंवा वाढदिवसाच्या निमित्ताने मिळत असे. आणि गोड जेवण. एवढं म्हणजे वाढदिवस साजरा झाला. आम्ही पण happy असायचो.
बरं असो,
तेवढ्यात रेहान आला.
स्वाती म्हणाली, •••
अरे व्वा! रेहान Happy Birthday.
तुझे gift दाखव ना.
व्वा! मस्तच आहे रे.
रेहान म्हणाला, •••
आजी! मला I phone हवा होता. आई बाबांजवळ आहे ना म्हणून.
बाबा म्हणाले आत्ता नाही, नंतर घेऊ.
मी घरी आले, पण माझ्या डोक्यातून फोन ची किंमत काही केल्या जात नव्हती. जणू काही रमाच्या घरचा पैशाचा हिशेब मलाच बघायचा होता.
घरी सर्वांना ही गोष्ट सांगून झाली.
मुख्य म्हणजे पूढच्याच महिन्यात अनय पण १० वर्षांचा होतोय. आता हे महाराज काय म्हणतात? काय मागतात? माहीत नाही.
ही मुलं ऐकमेकांच बघून, ऐकून काय म्हणतील? काय मागतील? काही भरवसाच नाही.
मी अजयला रेहान ची गोष्ट सांगितली.
मी म्हंटल, ••• अरे!! बघ बाबा.
आधीच काही तरी ठरवल तर बरं होईल.
म्हणजे चूकीच्या मार्गाने गाडी जाण्याआधीच काही तरी ठरवूया.
अजय म्हणाला, ••• हो ना. खरच आधीच लक्ष द्यायला पाहिजे.
आज अनय शाळेतून आला आणि म्हणाला.
My dear आजोबा! My best friend!
आज शाळेत किशोरचा वाढदिवस झाला. त्याने सर्वांसाठी कॅडबरी आणली होती.
आजी आजोबा! What are your plans for my birthday?
Ajoba Said, •••
Yes, my dear friend, I have a big plan for you.
तुझा ११ वा वाढदिवस हो ना.
मग मी ११ छान stories तुला सांगणार. एकदम वेगवेगळ्या. रामायण, महाभारत, क्रिकेट, , animal world, and whatever you say.
मी तुला 5 games घेऊन देणार.
Cricket kit, badminton kit, football
Chess, carrom board. + 5 books
Is it ok?
Yes, my dear grand Pa. I love you.
I love you too. आजोबा म्हणाले.
आजोबांनी आजीकडे बघीतले, आता तुझा नंबर, असं इशाऱ्यानेच सांगीतले.
आजी तू काय देणार? सांग ना.
तुला लाडू आवडतात ना. मी ११ प्रकारचे लाडू करणार, माझ्या लाडू बाळासाठी.
आवडेल का हे gift?
हो आजी.
आता मात्र आजीच्या सुगरणपणाची परीक्षाच होती. इतक्या वर्षांचा अनुभव आता कामी येणार होता.
तसे आजी आजोबांनी सर्व छानच सांभाळलं.
११ प्रकारचे लाडू?? अग! कोणते? आजोबांनी विचारल.
आजी म्हणाली, •••
मला येतात. रव्याचे, बेसनाचे, नारळाचे, मेथी, डिंक, नाचणी, पौष्टिक, कणकीचे, बुंदीचे, वाटल्या डाळीचे, दाण्यांचा, तिळगुळ लाडू आणि पोळीचा लाडू पण करता येईल की. बुंदीचे तेवढे फक्त विकत आणा.
आजी आजोबा तर परीक्षेत पास झाले
खरी परीक्षा अजय अनिताची आहे.
आज वाढदिवसाचे भूत डोक्यात शिरलेले आहे.
अजय अनिता आॅफिस मधून आल्यावर आजीने सर्व सांगितले.
आजी म्हणाली आता तुम्ही दोघे तयार रहा.
खेळून झाल्यावर पुन्हा बर्थ डे पुराण सुरू झालं.
अजय अनिता म्हणाले, •••
हे बघ, मी आणि आईने ठरवलंय, आम्ही १० दिवस सुट्टी घेणार. आणि मस्त मजा करूया.
आजी आजोबा तू मी आई, बाहेर जाऊया, बिरयाणी खाऊया, कॅरम, क्रिकेट खेळुया, आणि तू म्हणशील ते.
Wow बाबा! You are great.
आजोबा म्हणाले, •••
म्हणजे Birthday जोरदारच होणार. गम्मत जम्मतच आहे बाबा एका मुलाची.
एक परिवार म्हणजे एक combined unit आहे. प्रत्येकाची जबाबदारी / निश्चित भूमिका असते. प्रयत्न असतात. फक्त ते वेळेच्या आधी समजून, आपल्याला पाहिजे असलेल्या दिशेने चक्रं फिरविता आले पाहिजे.
त्या साठी समज, असायला हवी आणि वेळही द्यायला हवा.
मुलं ऐकतच नाही, हे कारण सांगून बाजूला होणं बरोबर नाही.
थोडा प्रयत्न करून आपल्या मनाप्रमाणे विचारांना दिशा देता येते.
जग असंच असणार आहे. समाजात अशीच श्रीमंत माणस आपल्या अवतीभवती असणार आहेत, तेंव्हा आपल्याला आपल्या पद्धतीने मुलांना वाढविताना प्रयत्न तर करावेच लागतील.
अजय अनिता ने कामातून ब्रेक घेतला, त्यांना पण ते आवश्यकच होते. अशा प्रकारे आपल्या घरात, आपल्या इच्छेनुसार एक चांगली सिस्टम सेट करता येते.
फॅमिली टाईम, quality time महत्वाचा.
पैसा नक्कीच महत्वाचा, पण योग्य वेळी योग्य जागी विचार करून खर्च करायला शिकावं लागेल. आणि ते शिकवावं लागेल. प्रवाहाच्या दिशेने/ का विरुद्ध वाटचाल विचार पूर्वक करायला हवी.
संगत कोणाचीही असो, घडण बिघडण आपल्या हातात असतं.
म्हणतात ना, •••
राह तो सीधी होती है मोड तो मन के होते है ।
लोकांच्या प्रेशर खाली येता कामा नये.
चढाओढ, शर्यत कुठे करायची हे वेळेवर समजायला हवं, आणि मुलांनाही शिकवायला हवं. तेही कुठलाही complex न ठेवता. इर्षा, द्वेष न ठेवता.
आपल्या परिस्थितीनुसार खरं काय ते मुलांना कळलंच पाहिजे. स्पष्ट ‘हो’ किंवा ‘नाही’ मुलांना सांगायलाच पाहिजे.
If you don’t control your mind, someone else will control.
© सुश्री संध्या बेडेकर
वारजे, पुणे.
7507340231
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
संध्याताई,तुमचा मनमंजूषेतून मधला लेख खूप आवडला.