सुश्री प्रभा सोनवणे
कवितेच्या प्रदेशात # २९७
☆ जिद्द… ☆ सुश्री प्रभा सोनवणे ☆
☆
**
ही जिद्दच तर होती,
जीवनाची प्रत्येक लढाई
जिंकण्याची!
हवे ते मिळविण्याची !
किती मिळाले, किती निसटले
आठवत नाही ….
पण आठवते,
अथांगतेचा तळ गाठल्याचे,
आकाशात मुक्त विहरल्याचेही !
कोण काय बोलले,
कोण काय म्हणाले, आठवत नाही….
पण किती तरी क्षण
कुणी कुणी—
डोक्यावर ताज ठेवल्याचे,
आठवतात, आठवत रहातात!
ती जिद्दच तर होती—
उंबरठ्याच्या बाहेर पडण्याची,
नको ते नाकारण्याची,
हातातली कांकणे,पायातली पैंजणे,
किणकिणत राहिली, छुमछुमत राहिली…
पण ही जिद्दच होती
‘माणूसपण’ जपण्याची,
‘स्व’त्व टिकवण्याची…
सारे पसारे मांडून,
सम्राज्ञी सारखं जगण्याची!
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
