प्रभा सोनवणे
कवितेच्या प्रदेशात # ३२६
☆ चंद्राची ती कोर… ☆ प्रभा सोनवणे ☆
☆
ती मस्त रात्र,
तिच्या आणि त्याच्या
मधूर मीलनाचा
सुरेख सोहळा
चंद्र आणि चांदणीचा….
निसर्गाने निर्मिलेली
एक सुंदर गोष्ट,
शिव आणि सतीच्या,
मैथुना इतकीच पुनित!
क्षण एक पुरे…..
म्हणता म्हणता…
सरकणारी रात्र…
आणि खिडकीतून
दिसणारी चंद्राची ती कोर,
भाग्यच की थोर,
लाभलाय….
जन्मोजन्मीचा चितचोर!!
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संस्थापक संपादक – श्री हेमन्त बावनकर/सम्पादक मंडळ (मराठी) – उज्ज्वला केळकर/श्री सुहास रघुनाथ पंडित / मंजुषा मुळे/ गौरी गाडेकर≈
