सौ. शोभा जोशी
वाचताना वेचलेले
☆ “म्हणून मी नेहमी आनंदी असतो…” – लेखक : अज्ञात ☆ प्रस्तुती – सौ. शोभा जोशी ☆
मी भूतकाळ चघळत नाही..
भविष्याचीही मी चिंता करत नाही…
त्यामुळेच मी वर्तमानात जगतो..
म्हणून मी नेहमी आनंदी असतो.
मी कुणाकडून काडीची अपेक्षा करत नाही..
मी कुणाबद्दल राग मनात
धरत नाही…
रागात असलो तरी मी लगेच सगळ्यांना माफ करतो…
म्हणून मी नेहमी आनंदी असतो.
मी कसलाच हव्यास आणि लोभ करत नाही..
कोणाच्या भरभराटीने जळत नाही..
आहे त्यातच समाधानी राहून
दुसऱ्याच्या सुखातही सुख मानतो…
म्हणून मी नेहमी आनंदी असतो.
मी हायफाय राहण्यासाठी धडपडत नाही..
कोणावर कधीच जळत नाही..
साधं राहून आपल्या नात्यांत सुखानं रमतो..
सगळीच नाती मी मनापासून जपतो…
म्हणून मी नेहमी आनंदी असतो.
कोण काय बोलतं ह्याचा मी कधीच विचार करत नाही..
कोणी काहीही बोललं तरी
पुन्हा मी ते फारसं स्मरत नाही..
माझं जीवन स्वछंदी आहे
ते मी मजेत जगतो..
म्हणून मी नेहमी आनंदी असतो.
मला पदाचा वा ज्ञानाचा
अहंकार आला नाही..
कधी तुच्छतेचा विचार माझ्या मनाला भावला नाही..
पाय जमिनीवर ठेवून प्रसंगी अनवाणी चालतो..
म्हणून मी नेहमी आनंदी असतो.
जगायला काहीच भौतिक
सुख लागत नाही..
म्हणून मी गर्वाने कधीच
वागत नाही..
सगळ्यांशी प्रेमाने आदराने
आपुलकीने वागतो..
म्हणून मी नेहमी आनंदी असतो.
जन्म शाश्वत आहे
तसा मृत्यू देखील शाश्वत आहे
याची मला ही जाणीव आहे..
माझ्यातही दोष आहेत
आणि काहीतरी नक्कीच उणीव आहे..
याचीच जाणीव ठेवून
मी माझं जीवन जगतो…
म्हणून मी नेहमी आनंदी असतो.
☆
लेखक : अज्ञात
प्रस्तुती: श्रीमती शोभा जोशी
मो ९४२२३१९९६२
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
