श्री जगदीश काबरे
वाचताना वेचलेले
☆ “माझा गणेश…” ☆ श्री जगदीश काबरे ☆
☆
त्रैलोक्य व्यापुनीही कोठे न राहणारा
माझा गणेश नाही मखरात मावणारा ।। धृ।।
*
नक्षत्र मंडलाची माथ्यावरी झळाळी
आरक्त सूर्य भाळीं सिंदूर लावणारा
*
मूर्ती अमूर्त त्याची रेखाल काय चित्रीं
विज्ञानरूप सूत्रीं भूगोल ओवणारा
*
स्वार्थी लबाड लोभी रोगी अपत्यकामी
येता पवित्र धामीं हाकून लावणारा
*
भक्तांस ना कळे हा पोथीतुनीं पळे हा
संशोधकां मिळे हा सत्यास पावणारा
*
आहे प्रकाशरूपं विश्वात कोंदलेला
रेणूत कोंडलेला बुद्धीस भावणारा……
*
कवी : श्री. वसंत बापट
~~~~~~~~~~
(वरील कविता गेल्या शतकात मराठी साहित्यातील ख्यातनाम कवी वसंत बापट यांनी लिहिलेली आहे. ही कविता वाचून आजच्या भक्तांच्या विचारात काही फरक पडावा ही अपेक्षा..)
प्रस्तुती : जगदीश काबरे
मो ९९२०१९७६८०
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
खूप छान!