मराठी साहित्य – वाचताना वेचलेले ☆ “रतनजी, तुम्हीच सांगा…” – लेखक : डॉ. संजय उपाध्ये ☆ प्रस्तुती – श्री सुनील देशपांडे ☆

श्री सुनील देशपांडे

 वाचताना वेचलेले 

☆ “रतनजी, तुम्हीच सांगा…” – लेखक : डॉ. संजय उपाध्ये ☆ प्रस्तुती – श्री सुनील देशपांडे ☆

रतनजी,

रतनजी, तुम्हीच सांगा

तुम्हाला ‘टाटा’ कसा करू?

गीतेमधली व्यवसायात्मिका बुद्धी राष्ट्रासाठी योजलीत

व्यक्ती ते समष्टी सर्वांचं भलं करण्यासाठी सारी जीवनवर्षे मोजलीत

तुम्ही स्वकर्तृत्वाने चिरंजीव झालात तरी डोळ्यांतील आसवांना सांगा कसा आवरू ?

रतनजी,

रतनजी, तुम्हीच सांगा

तुम्हाला ‘टाटा’ कसा करू?

यंत्र तंत्रादी विज्ञानम् मध्ये तळातला माणूस पाहिलात 

सर्वोच्च पदावर राहूनही कायम नम्र राहिलात

अतिरेक्यांनी हल्ला केलेल्या ताजला पुन्हा ताज मिळवून दिलात

राष्ट्राच्या प्रत्येक संकटात दिलात संपन्नतेचा हात

.. वाटतं तुमच्यासारखी माणसं नवीन जग करतात सुरू

रतनजी,

रतनजी, तुम्हीच सांगा

तुम्हाला ‘टाटा’ कसा करू?

अल्पसंख्याक आपला समाज.. पण सत्तेकडून काही मागितलं नाहीत.. उलट तुम्हीच देशाचा सत्तेविना आधार झालात.. हे सर्व जगाला आहे माहीत.

.. तुमच्या निधनानंतर भारतीय ध्वज अर्ध्यावर उतरला का? ठाऊक नाही कारण राजकारणाला विधीनिषेध नुरला काही.. परंतु सरशी तेथे पारशी ही म्हण.. तुम्ही ‘पारशी मुळे सरशी’ अशी केलीत.

आम्ही तुमच्यामुळे खातो, येतो, जातो, नि जगतो.. आज..

.. आज कामावर जाऊन तुम्हाला अभिवादन नक्की करू..

…… रतनजी, तुम्हीच सांगा….

तुम्हाला ‘टाटा’ कसा करू?

लेखक : डॉ. संजय उपाध्ये

प्रस्तुती – श्री सुनील देशपांडे

मो – 9657709640

email : sunil68deshpande@outlook.com

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈