मराठी साहित्य – कवितेचा उत्सव ☆ दरवळ ☆ सौ.मनिषा रायजादे पाटील

☆ कवितेचा उत्सव ☆ दरवळ ☆ सौ.मनिषा रायजादे पाटील ☆

आठवणींचा सुटला दरवळ

देहांमध्ये  होते खळबळ

श्वासांमध्ये श्वास मिसळता

जुन्या ऋतूंची व्हावी हिरवळ

बाग मनाची अशी बहरली

सुगंधामधे भिजली ओंजळ

दुःख मनाचे विसरुन सगळे

हसत रहा तू केवळ खळखळ

बंध गुलाबी जपेन मीही

तु पण जप हे नाते प्रेमळ

© सौ. मनीषा रायजादे-पाटील

सांगली

9503334279

 ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈