श्री अनिल वामोरकर
कवितेचा उत्सव
☆ शून्य… ☆ श्री अनिल वामोरकर ☆
☆
शून्य
शून्य इवलेसे
पुर्णत्वही देते
वाचे उच्चारीता
अपूर्णत्व वाटते…
*
यावे पुर्णत्व
व्हावे जीवन सार्थक
पूर्ण आणि शून्य
संज्ञा दोन अर्थ एक..
*
जीवनाच्या गणितात
शून्यचि हवे शेवटास
त्याशिवाय आहे का?
वाव नवनिर्मितीस…
*
रितं असेल
तरच भरेल
अमृतकुंभ
मानव तेव्हाच तरेल..
*
शून्यत्व हेचि पुर्णत्व
पुर्णत्व हेचि शून्यत्व
साधनेचे सोपान चढता
एकरूप होवू त्या वैश्विक शून्यात…
☆
© श्री अनिल वामोरकर
अमरावती
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
